Manuscrito  del P. Damías, franciscano amanuense del monasterio de Santumaero.

                           

Nes calendes de xunetu

A la pena La Portiella,

Que llegó un día Nerón

Percanciando onde yaciera

Con Xana, la cazaóra,

Que triscaba las praeras

detrás d´un curciu laín

D´envidiosa cornamenta,

Cuéntalo´l fraile Damías

Afamáu, si lu hubiera,

Por llevar al so redil

A la donna de la tierra,

la xentil y bella Urraca,

Conocía por sos prendas.

Cuando,afanusu, cataba,

Testigos d´aquellas güellas,

Topó con un manuscritu

Escritu´n piel de cordera

Que falaba ´n paladino

D´aquella famosa guerra

Qu´hubo entre Xomezana

Col pueblín de Las Piñeras.

¡ Guasus,guasus! Esclamaba.

¡Virxen de la Macarena!

Que les agues tan fresquines

Del queríu ríu  Güerna

Baxaren tintes de sangre

De vecinos d´entre puertas,

Sólo tien explicación,

Sólo quiciá se comprenda

Si andara suiltu´l demonio

Sin moza que lu entretenga.

Tengo qu´estudialo bien

Y escribilo´n prosa lluenga

Pa poder yo predicalo

En octubre, pe la fiesta

 De Rospaso y de Tuiza

Que tamién catan pelea

Colos de suso, d´abaxo,

Nacíos nel mismu Lena.

Pos si bien estos nun tienen

La protección de La Tesa,

tienen derichu a que pastos

se den por más que nacencia.

Y si tengo que gastar

De les abeyes la cera

O comprailo a isi cazuilu

Del fíu de la mio Queta,

Yo trataré de dexa-yos

Bien claras las sos ideas

De que nunca pasa ná

Si alguna vaca manera

D´algún que nun ye d´aquí

Apaez en Pinos muerta.

Por ná d´isti mundu yo ...

Por ná del mundo quisiera

Qu´entre nosotros agora

Las madres de luto fueran

Como fueron, diz aquí,

aquellas que,percontentas,

a los sos fíos mandaron

a conquistar Las Piñeras

porque tenían de tóo,

hasta una carretera

qu´al emperador fixeron

pa llegar sin que punxera

ná más que los sos gueyinos

nel verdin, color de  menta.

Maquinaban los porrones

Cómo facer la estrocena,

Cómo llegar al llugar

Sin el barro nas madreñas,

Y cómo poder baxar

A la Puola las terneras

Pa que fresques y lozanes

Tengan allí bona venta

- Nun hai otra solución

Que tengamos carretera.

- Pero eso cuesta muncho,

Cuesta perres el facela.

Además estropìa práos

y les tierres de la sema.

- Lo meyor, dixo Primón,

Ye mandar los de Piñera

A que vivan más arriba

Nel mayéu la Texera.

Dicho y fecho; allá fueron

Con Primón a la cabeza.

-“Que tenían que marchar

Si querían o a la fuerza

pos ellos necesitaban,

por ser más y por grandeza,

de la so carreterina

qu´abría pa la meseta”,

espeto-yoslo de frente

con alguna displicencia.

Manolín el de Pacita,

El más viiyu de Piñera,

Contesto-yos,afoguéu,

Si suañaban o qué truena

Los había traspasao

Pa pedir, a la tremenda,

Qu´ellos fueran a vivir

Onde nun viven ni pegas:

-Eso faceilo vosotros,

Que si catais la manera

De vivir aquí por siempre

En sin que haiga pelea,

Prepara-yos a estos mozos

Vuestras muyeres solteras.

Hubo allí más que palabres

Por pensar que yera ofensa

El que Ritina y Pascuala

Se casaran en Piñera.

Cruzáronse bastonazos,

Anduvieron a la griesca

Y después de munchos años

D´esperase y de carreras,

De gastar lo que tenían

En comprar la ferramienta

Que sólo s´utilizaba

Pa cortar la sangre axena,

pensaron si merecía,

si merecía la pena,

haber baltao los puentes

y quemáo las cosechas.

Y empezaron les muyeres

A calentar las oreyas

De los paisanos na cama

Pa que dexaran aquella

Intención, tan repelente,

De marchar porque apenas

“tenemos quién vaya allí

Nun siendo ya cuatro vieyas”.

Y los otros, ya  cansáos

De sacar de las canteras

Piedres que tiren con armas

Que valían lo que cuesta

Poner a los dos pueblinos

Igual que taba Pompeya,

decidieron, en esquisa,

ofrece-yos una tregua

si acetaban de traer

tres copinos y dos guexas

llenos d´escanda y borona

pa poder facer la fiesta

que traiga de nuevo paz

a Xomezana y Piñera.

-¿Sabeis lo que se decían

Alreor de la foguera?

 Dixo el cura acaloréu.

- Que cuando hai una guerra

Los que llevan la tayá

Son los que vienen de fuera

A vendevos los consejos

De lo que a ellos no afecta.

Así que sacai leción

Y que ca ún se la aprenda:

Lo que vosotros sudais

Que nun riegue otras guertas.